Осврт за „Не правете им сенка на гробовите“ од Дијана Петрова

Низ кратки и отсечни раскази/мисли, Дијана нè соочува со овие прашања. И неминовната болка од нашето искуство. Дали е смртта природна?

Ја дочитав… побрзо и од што мислев. Плачев, бев шокирана, гневна, прегорда да се соочам со вистината, алчна и ненаситна за секој нејзин збор. Токму како што се поделени и расказите во збирката раскази на Дијана Петрова, со многу чуден и помалку морничав наслов ,,Не правете им сенка на гробовите“.

Не сум љубител на раскази, од проста причина што сметам дека е тоа премалку простор за еден автор да се искаже и ретки се авторите кои во 5-6 страници успеваат да ме погодат, замислат, а камо ли расплачат.

Но, Дијана некако успеа. Веројатно затоа што сегмент по сегмент, се пронаоѓав во расказите.

Видете… за мене оваа книга беше своевидна катарза. Верувам, дека ќе биде и за многумина од нас кои сме изгубиле некој драг, кои заради загубата сме почнале да размислуваме… што е смртта? Што е животот? Која е нашата вистинска природа?

Низ кратки и отсечни раскази/мисли, Дијана нè соочува со овие прашања. И неминовната болка од нашето искуство. Дали е смртта природна? Секако дека е, и е неминовна. Но, дали е логична?

Знам… знам. Ова е премногу храна за еден ум (па и срце) и ако имате предрасуди или нежен желудник, книгава може да ви се чини како „бизарна“.

Но, јас и погледнав во очи на ,,бизарноста“, на смртта и темнината кои се содржани во секоја страница… и наместо крај, видов олеснување и нов почеток.

Дијана е несомнено талентирана авторка за која допрва ќе се слуша. ,,Морничавоста“ позади корицата и некои од расказите се апсолутна спротивност од олеснувањето кое ќе го доживеете откако ќе ја прочитате оваа книга.

За крај… ќе ве оставам со неколку филозофски мисли/цитати кои се испреплетуваат во расказите.

,,Стравот од мртвите луѓе е само затоа што нè потсетуваат на нашата смртност.“

,,Човек губи сè обидувајќи се  да дојде до состојбата што можел да ја постигне и без ништо.“

Храбро, соголено и без влакна на јазикот, Дијана ќе ве поведе на едно патешествие, соочување со сопствената темна страна, истовремено давајќи ви надеж… дека животот е бесценет, особено кога се живее без стравови. Препорака од мене!

Тагови од објавата
Напишано од
More from Ана Томова
Кон „Модар накит“ од Катарина Винклер
„Во нашата долина живеат стотици модри жени. Има светломодри, како мајка му...
Повеќе
0 replies on “Осврт за „Не правете им сенка на гробовите“ од Дијана Петрова”