Ѓоко Здравески

Роден 1985 година во Скопје. Дипломирал на Филолошкиот факултет „Блаже Конески“ во Скопје. Работи како лектор за македонски јазик на Филозофскиот факултет во Ниш. Соработува со електронскиот неделник за култура и уметност Репер (reper.net.mk) и со електронското списание Блесок. Тој е еден од домаќините на Астални проекции, поетско читање што секој прв вторник во месецот се одржува во кафéто Менада. Пишува поезија, кратка проза и есеи. Има објавено две книги поезија: Палиндром со две н (2010) и куќичка за птици-преселници (2013).